SIKHNE KI BAAT HAI

aaj 14 september 2010 date hai aaj mera interview tha mujhe english bhasha nahi aati fir bhi mei aise jagah interview dene gaya jahan english ki bahut jarurat hai mei ye soch ke nahi gaya tha ki mei is naukri ko hasil kar ke hi lautunga balki mei ye soch ke gaya tha ki jahan mei ja raha hu vaha ek aise insan ko mauka dene ke liye socha jayega jo sikhna chahta hai vo sab jisme vo thoda ashikshit hai (matlab knowladge thodi kaam hona).mera interview bilkul aacha nahi hua or na mei select hua kher ye toh thi meri baat aaj
meri zindagi ka ek or din nikal gaya
ek naukri pane ka sapna fir se bhikar gaya
kal fir nayi subah aayegi
meri umeed fir se jaag jayegi
ek naya sapna apne andar jaga ke
mei fir se uth ke chalunga
apni himmat bada ke
josh, hosh, or umeed ke sath
meri zindagi ka ek or din nikal gaya aaj...!

aaj bhi meine bahut baatein sikhi or inko mei apne andar jarur paida karunga. har interview lene vala hamehsa interview hi nahi leta ye mujhe aaj samjh mei aaya balki vo kabhi kabhi ye soch ke baithta hai ki mei naukri ussi ko dunga jo mere se aacha hoga or ye cheez kisi insan mei dhundne ke liye vo log na jane kis had tak chale jate hai ki samne vale ka attmvishwas or sahas tutte der nahi lagti.bachpan ki kahani mei kaboope jab sikhari ne jaal dala tha toh chucho ki maddat se kabootro ne kamyabi hasil ki thi.agar uss samay chuche bhi agar kabooro ki maddat karne ki bajaye agar vo bhi unse ye kehte ki pehle udne or bachne ki bhuk jagao apne andar fir hum kuch karenge toh jahir si baat hai chuho ka vaha kya kaam hena or yahi toh hota hai aajkal interview mei. bina kisi ko mauka diye kisi ki kabiliyt jaan lena koi samjhdari nahi hai haar insan mei cheeo ko samjhne ki kabiliyat hoti hai usko sikhne ki shamta hoti hai or ye agar hum ye soch ke interview dene jaye ki hum naukri lene ke liye interview dene ja rahe hai naki vo hume naukri dene ke liye interview le rahe hai. in dono baaton mei bahut antr hai bus samjhne ki jrurat hai.

ek insan ki capabilities or uska focus haar kaam ko kamyabi tak pauchane ke liye kafi hota hai. haar mei apna apna hunaar hai bus farak hamari nazar ka hai ki hum us kaam ko kaise dekhte hai. or dusro ki yahi nazar hume todne ke liye kafi hoti hai. haar jagah pe hunaar hai bus logo ne farak paida kar diya hai aaj jaise

koi farak nahi hai insaniyat mei or heevaniyat mei,
patri ke us bhikari mei or kurci ke us karamchari mei,
ameer ki kismat mei or garib ki badnasibi mei,
bache ke rone mei or sarabi ke chilane mei,
maa baap ki pyar mei or unki fatkaar mei,
vo niyat hi hai jo is farak ki jadd hai,
insan ki niyat ko heevaniyt banane mei...!!!

bilkul logo ki soch itni unchi ho gayi hai ya yu kahi ki badal gayi hai ki farak kisi cheez mei nahi hai bus farak hai dekhne vale ki nazaro mei. jisne farak paida kar diye hai or kahin na kahin isi farak ki vajah se hum apne sapno ki daudh mei batak se jate hai.meine hamehsa se suna hai ki sikhne ki na koi umaar hoti hai na hi uske liye kisi cheez ka hona jaruri hai bus apne andar vo jazbaa hona chahiye. par aaj agar sikhna hai toh uske liye vo sab hona chahiye jo humse pucha jaye or ab duniya mei sikhne ke liye bhi aunde tayar kar diye gaye hai. sikhane ke liye bhi bahut si sidiya chadni padhti hai agar humme ye sab kuch hai toh hi hume sikhaya jayega varna nahi.hahahahaha :)
sahi mei na paisa kamana hai toh sikhane ke liye paise lo kyuki sikhne valon ki kami thodi hi hai duniya mei.

par hum haar cheez se sikhte hai ya yu kahe toh sikh sakte hai agar bachapan mei hamare maa baap ne kaha hota pehle thoda chalna sikho fir hum tumhe chalna sikhayenge toh kya farak reh jata un mei or aaj ke naukri pesha logo mei kuch nahi. sikhne vala toh us bhikari se bhi bahut kuch sikh leta hai jo mehez majburi ki 2 line bol ke logo ki jeeb se 1 rupeya niklva leta hai ye bhi us bhikari ki kabiliyat hi hai na bhagwan ne kuch soch ke banaya hoga usse. sikhne ke liye vajah ki kami nahi hai kami hai toh hamari soch mei hamari nazariye mei or hamari sikhne ki bhook mei jo aajkal ki duniya mei milni mushkil hai or jisme hoti hai usse kayam rakhna matlab kolyon ke dheer pe nagne pair chalna.

SHITIJ KE LAFZO MEI SIRF BHOOK KI KAMI HAI KISI BHI CHEEZ KO SIKHNE KI BUS ITNI BHOOK JAGA LO KI VO HAMARI US BHOOK MEI HAMARI KABILIYAT KO DHUNDNE MEI MAAJBUR HO JAYE. YAHI HAI MERI AAJ KI SIKH JISKO AAP BHI LO SIKH HEHEHE..

TAKE CARE
KEEP LEARNING
GOD BLESS U
FIR MILENGE CHALTE CHALTE...!!!